Беларускі металургічны завод праводзіць планавую маштабную мадэрнізацыю на хімічным блоку. Аб замене ўстарэлага абсталявання на новае і сучаснае, у цэлым аб рабоце завода на сустрэчы з калектывам сталядротавага цэха нумар 2 (СтДЦ-2) расказаў намеснік генеральнага дырэктара па метызнай вытворчасці ААТ “БМЗ – кіруючая кампанія холдынга “БМК” Ігар Чарняўскі, паведамілі БЕЛТА на прадпрыемстве.
Як падкрэсліў намеснік генеральнага дырэктара, задача завода – вырабляць рэнтабельную прадукцыю, зарабляць грошы. “І забяспечваць эканамічны складнік. Мы прадаўжаем працаваць у няпростых умовах. На рынках прадаўжаецца тэндэнцыя зніжэння цэн. Пры гэтым мы ўтрымліваем работу завода такім чынам, каб заставаліся грошы і на развіццё”, – падкрэсліў ён.
Паводле слоў Ігара Чарняўскага, прадпрыемства не толькі вядзе работу з новымі кліентамі і новым сартаментам прадукцыі. “Таксама вялікую ўвагу ўдзяляем падтрыманню абсталявання ў працаздольным стане. Цяпер праводзіцца маштабная мадэрнізацыя на хімблоку. Маральна ўстарэлае абсталяванне замяняецца новым і сучасным. Гэта дазволіць больш эфектыўна перапрацоўваць вытворчыя сцёкі і ў цэлым забяспечваць вытворчы працэс. Усе работы ідуць па графіку”, – падкрэсліў намеснік генеральнага дырэктара.
Як растлумачылі на прадпрыемстве, хімблок – адзін з важных участкаў сталядротавай вытворчасці. Тут ажыццяўляецца перапрацоўка паступаючых адпрацаваных тэхналагічных раствораў, прамыўных вод. Дзякуючы хімблоку сталядротавыя цэхі забяспечваюцца адноўленымі тэхналагічнымі растворамі і вычышчанай вадой, што неабходна пры вытворчасці якаснай прадукцыі.
У СтДЦ-2 падрыхтаваліся да правядзення рамонтных работ і сынення вытворчасці. Зрабілі аналіз па кожным кліенце і вырабілі неабходную колькасць гатовай прадукцыі, каб забяспечваць адгрузку на працягу ўсяго рамонту. Падрыхтавалі і неабходную колькасць загатоўкі для тонкага валачэння і канатнага ўчастка.
Ігар Чарняўскі падзякаваў калектыву за выпуск якаснай прадукцыі. Гэта асноўны вектар, які дапамагае падтрымліваць рэпутацыю БМЗ і перамагаць у канкурэнтным асяроддзі, зрабіў акцэнт ён.
ААТ “БМЗ – кіруючая кампанія холдынга “БМК” – высокатэхналагічнае прадпрыемства металургічнай галіны. Структурна складаецца са звязаных адным тэхналагічным ланцужком вытворчасцей – металургічнага, пракатнага, трубнага, метызнага і цэхаў інфраструктуры.
