Актыўны адпачынак

Лядовы палац з’яўляецца спартыўным цэнтрам, дзе жыхарам і гасцям горада дадзена магчымасць актыўнага вольнага часу: масавага катання на каньках, заняткаў у трэнажорнай і спартыўных залах, гульні ў настольны тэніс.

Аказваюцца паслугі па навучанні фігурным катанні для дзяцей, хакеі на траве. Таксама функцыянуюць платныя спартыўныя секцыі па розных напрамках: ёга, стэп-аэробіка, танцы. На тэрыторыі спартыўнага цэнтра знаходзіцца пляцоўка са штучным пакрыццём для футбола, хакея на траве.

Таксама ва ўстанове маецца зала для семінараў, канферэнцый і іншых мерапрыемстваў.

Пад дахам гэтага ўнікальнага для нашага горада будынка размясціліся 3 басейны. Асноўны, 50-метровы (пастаянная глыбіня – 2,1 м), прызначаны для правядзення трэніровачных заняткаў, спаборніцтваў па плаванні, водным пола і для аздараўленчага плавання. Скачковы басейн (глыбіня – 6 м), абсталяваны вышкамі рознай вышыні (1 м, 3м, 5м, 7.5м, 10м), прызначаны для правядзення спаборніцтваў і заняткаў па скачках у ваду і сінхронным плаванні. Дзіцячы басейн (ад 0,8 м да 1,1м) прызначаны для навучання плаванню дзяцей з 5 гадоў.

У Палацы водных відаў спорту кожны жадаючы можа скарыстацца платнымі паслугамі, тут функцыянуюць: сауна, кедравая бочка, масажнае крэсла, зала для гульні ў більярд, настольны тэніс, трэнажорная зала.

У комплексным цэнтры на пастаяннай аснове працуюць секцыі па плаванні, скачках у ваду, фрыстайле, сучасным пяцібор’і, фехтаванні, стральбе з лука.

Сёння Гомельскі абласны цэнтр алімпійскага рэзерву па лёгкай атлетыцы – гэта сучасны спартыўны комплекс для падрыхтоўкі спартсменаў і арганізацыі спаборніцтваў па розных відах спорту.

Палац мае спартыўнаю арэну з трыбунамі для гледачоў (1360 месцаў), 6 прамых бегавых дарожак (125 м), 4 кругавыя дарожкі (200 м), 2 сектары для скачкоў у вышыню, 2 сектары для скачкоў у даўжыню, 2 сектары для скачкоў з шастом , сектар для штурхання ядра, 2 сектары для кідання дзiды, сектар для кідання дыска, трэнажорную залу, 3 спартыўныя залы, 2 залы для заняткаў барацьбой, медыка-аднаўленчым цэнтрам, саўнай і басейнам, залай настольнага тэніса, більярдам. Для гамяльчан адкрыты фізкультурна-аздараўленчыя групы.

Таксама ў Палацы праходзяць культурна-масавыя і спартыўна-забаўляльныя мерапрыемствы. На сённяшні дзень Палац лёгкай атлетыкі ў Гомелі аказвае наступныя віды платных паслуг у секцыях:

• каратэ
• рукапашны бой
• тайскі бокс
• валейбол
• футбол
• вялікі і настольны тэніс
• ёга
• дзіцячы фітнес
• лацінаамерыканскія танцы

У школе культывуюцца складанатэхнічныя віды спорту: спартыўная і мастацкая гімнастыка, скачкі на батуце, акрабатыка, скачкі на акрабатычнай дарожцы.

Матэрыяльна-тэхнічная база ўключае ў сябе спецыялізаваныя залы для заняткаў спартыўнай гімнастыкай, абсталяваныя неабходным гімнастычным інвентаром, спецыялізаваная зала для заняткаў акрабатыкай і скачкамі на батуце, харэаграфічныя класы, а таксама неабходныя дапаможныя памяшканні.

У склад установы ўваходзяць: стадыён “Цэнтральны” і лядовыя каткі па вуліцы Галавацкага і Рэчыцкім праспекце, якія ў летні час пераабсталёўваюцца ў корты для гульні ў вялікі тэніс. Стадыён “Цэнтральны” з’яўляецца афіцыйнай хатняй арэнай футбольнага клуба «Гомель».

Стадыён з’яўляецца месцам правядзення футбольных матчаў, а таксама культурных мерапрыемстваў, сярод якіх канцэрты і фестывалі. Ва ўсходняй трыбуне стадыёна «Цэнтральны» знаходзіцца фітнес-клуб. Акрамя таго, на стадыёне маецца два прэс-цэнтры: адзін з іх звычайна абслугоўвае трэнераў і журналістаў пасля гульняў чэмпіянату Беларусі, а суседні прымае прэс-канферэнцыі ўзроўню матчаў зборных.

Установа з’яўляецца адным з найбуйнейшых спартыўных збудаванняў Гомельскай вобласці. Яна адна з найбуйнейшых у рэгіёне спецыялізаваных устаноў, дзе культывуецца баскетбол, валейбол і гандбол.

Палац змяшчае дзве гульнявы залы, абсталяваныя сучасным спартыўным абсталяваннем: вялікая зала 46м х 26м з трыбунамі на 850 месцаў, малая зала 36м х 18м. Для прыёму ўдзельнікаў спаборніцтваў і гасцей горада Гомеля ў Палацы маецца камфартабельная гасцініца на 38 месцаў: 1 нумар – люкс, 2 нумары – аднамесныя, 2 нумары – двухмесныя, 7 нумароў – трохмесныя, 2 нумары – чатырохмесныя.

Да паслуг наведвальнікаў Палаца – трэнажорная зала, саўна, більярдная зала, медыцынскі кабінет. У прэс-цэнтры плошчай 48 м² магчыма правядзенне канферэнцый, семінараў, нарад, вучобы спецыялістаў.

База складаецца з вяслярнай залы з басейнамі для акадэмічнага веславання, басейна з двума ваннамі для веславання на байдарках і каноэ, залы агульнафізічнай падрыхтоўкі, трэнажорнай залы для веславання на байдарках і каноэ.

Таксама тут знаходзіцца аднаўленчы цэнтр, які ўключае ў сябе масажную, саўну з душавой кабінкай і пакой адпачынку. На першым паверсе базы знаходзіцца буфет-бар. Вяслярная база аказвае платныя паслугі на наведванне трэнажорнай залы, гульнявай залы, акрамя гэтага таксама маецца стол для гульні ў більярд і настольны тэніс. У зімовы перыяд вяслярная база ажыццяўляе пракат лыж.