Інфармацыя аб рабоце са зваротамі грамадзян і юрыдычных асоб, у тым ліку
па заяўным прынцыпе «адно акно», у адміністрацыі Цэнтральнага раёна за студзень-верасень 2022 год
У адпаведнасці з Дырэктывай Прэзідэнта Рэспублікі Беларусь ад 27.12.2006 N2 "Аб дэбюракратызацыі дзяржаўнага апарату і павышэнні якасці забеспячэння жыццядзейнасці насельніцтва" стан работы з насельніцтвам з'яўляецца адным з асноўных крытэрыяў ацэнкі дзейнасці дзяржаўных органаў і арганізацый.
Работа са зваротамі грамадзян - адзін з важнейшых напрамкаў у дзейнасці адміністрацыі Цэнтральнага раёна накіравана на павышэнне якасці работы з насельніцтвам.
Агульная колькасць зваротаў грамадзян і юрыдычных асоб, якія паступілі ў адміністрацыю Цэнтральнага раёна ў студзені-верасні 2022 года, склала 548, у тым ліку пісьмовых - 240, вусных - 153, электронных-155. У параўнанні з аналагічным перыядам 2021 года агульная колькасць зваротаў павялічылася на 23%.
На асабістых прыёмах кіраўніцтвам адміністрацыі прынята 153 чалавекі (2021-151), з іх кіраўніком адміністрацыі -96 (2021 - 102).
Найбольшая колькасць зваротаў ад жыцеляў паступіла па пытаннях добраўпарадкавання і ўтрымання тэрыторыі раёна.
Штотыдзень па суботах кіраўніцтвам адміністрацыі праводзяцца "прамыя тэлефонныя лініі". За мінулы перыяд 2022 года прынята 138 званкоў (2021-162). Асноўная тэматыка пытанняў датычылася сферы жыллёва-камунальнай гаспадаркі.
У мэтах найбольш поўнага інфармавання насельніцтва аб асабістых прыёмах кіраўніцтва адміністрацыі, аб адміністрацыйных працэдурах забяспечана работа "Тэлефоннай аўтаматычнай кругласутачнай прыёмнай" па кароткім нумары "142".
За ажыццяўленнем адміністрацыйных працэдур у службу «адно акно» адміністрацыі ў студзені-верасні 2022 года звярнулася 10917 зацікаўленых асоб (2021-9330).
З 2 студзеня 2023 года ўступаюць у сілу змяненні і дапаўненні, унесеныя ў Закон Рэспублікі Беларусь ад 18.07.2011 №300-З "Аб зваротах грамадзян і юрыдычных асоб". У сувязі з гэтым зменіцца парадак падачы электронных зваротаў. Электронныя звароты будуць падавацца толькі з дапамогай дзяржаўнай адзінай (інтэграванай) рэспубліканскай інфармацыйнай сістэмы ўліку і апрацоўкі зваротаў грамадзян і юрыдычных асоб.
